صديق الملائكه
حبايبى واخواتى زوار المنتدى الغالين

احنا كلنا اعضاء فى جسد واحد هو جسد السيد المسيح وعشان كده اتمنى الكل يحافظ على القيمه الغاليه دى ونخدمها بمحبه وتنشرف باشتركك كاعضو فعال فى جسد واحد Wink
الرب معكم


منتدى دينى شامل
 
الرئيسيةتهنئه بصوم العذاليوميةمكتبة الصورس .و .جالأعضاءالمجموعاتالتسجيلدخول

شاطر | 
 

 ألف ليلة وليلة 2008

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nodi
عضو فعال
عضو فعال
avatar

انثى عدد الرسائل : 111
العمر : 26
تاريخ التسجيل : 25/07/2008

مُساهمةموضوع: ألف ليلة وليلة 2008   الإثنين يوليو 28, 2008 1:02 pm

معانا النهاردة قصة
الف وليلة وليلة
بس مش القديمة طبعا عشان انتوا كلكوا عارفينها

النهاردة معانا
الف ليلة وليلة 2008

الليلة الأولى


"الله *********......ايه يبنى انت وهو الدوشه اللى بره دى؟..........هو الواحد ميعرفش يرتاح فى قصره شويه؟ ..........اندهولى وزير ****دى"
- دى الناس عامله مظاهره بره يا سعادة الباشا السلطان
- ليه بأه ان شاء الله؟
- مش لاقيين عيش
- طب قول للافران تخبز عيش
- ماهو الفرانيين عاملين مظاهره هم كمان
- ليه تانى؟
- مفيش دقيق
- قول للمطاحن يطحنوا شوية قمح
- نفس المشكله سعادتك مفيش قمح
- يا عم ما تخلى الفلاحين تزرع ده انت فقرى اوى
- ماهم بأه الفلاحين اللى عاملين مظاهره وسايبين الزرع عشان مش لاقيين عيش
- ااااااااااااه طب اصرفلهم عيش من المخازن
- ماهى فاضيه سعادتك من ساعة المظاهره الاولى
- خلاص اصرف لكل واحد كارت شحن من ابو خمسه وعشـ...ولا خليه من ابو عشره
- امرك يا سعادة الباشا السلطان
- تعالى هنا صحيح ............ جبتلى عروسه النهارده ولا ايه النظام؟
- هنشوف يا باشا
- طب استنضف بأه مش زى ليلة امبارح
- ماهو مفيش بنات يا باشا فى البلد.....الناس كلها بعتت بناتها للبلاد التانيه
- طب انت مش عندك بنت؟
- اه شهرزاد يا باشا
- طب هتجوزها.......روح يلا مالك متسمر كده ليه؟


"وفى قصر الوزير"
- يا بنتى اسمعى كلامى يلا ناخد اول طياره على بره
- لا يا بابا سيبنى احاول معاه
- يا بنتى انا شايل قرشين حلوين فى سويسرا هيعيشونا ملوك
- قلت لا ....لو عاوز تخلع انت اخلع لوحدك
- منا عامل كده عشانك انتى
- طب وعشانى انا اقعد وشوف انا هعمل ايه
- اما نشوف

(وتم الزفاف سريعا وفى اوضة النوم الملكيه....)
- انتى مالك فرحانه كده ليه؟ ده انتى هتموتى الصبح
- منا عارفه
- عارفه ومبسوطه كمان؟
- اه
- هو الوزير مخلف عيله هابله ولا ايه بس
- يا عم ما كلنا هنموت
- اه بس انتى بكره
- وانت امتى يعنى يا فتك؟
- الله اعلم
- مانت ممكن تموت قبلى
- بقولك ايه انا مصهلل النهارده ومش طالبه معايا نكد .....حد يقول لسلطان فى فرحه انت هتموت قبلى؟
- يعنى حد يقول لعروسه فى ليلة فرحها هتموتى بكره انت كمان؟
- عندك حق انا هنام بأه
- نعم يخويا؟ انت متجوزنى عشان تنام وتموتنى؟

- خلاص خدى الريموت عندك فيه فيلم اجنبى حلو فى الـ
MBC2 والاوربت فيها فيلم عربى جميل برده
[center]- لا يا عم مش عاوزه تليفزيون
- امال عاوزه ايه بأه......احكيلك حدوته؟
- لا احكيلك انا يا شوشو
- طب احكى يا ستى وصدعينى
- ولو عجبتك تسيبنى متموتنيش بكره؟
- لو معجبتنيش هموتك دلوقتى ولو عجبتنى هسيبك للصبح
- طب اسمع الاول وبعدين ابقى بق
- قولى يختى
- بص يا عم بيقولك مره واحد .......
- انتى هتحكى حدوته ولا نكته؟
- اهمد باه انت مش ليك حدوته؟ اسمع للاخر بأه
- ماشى قول يا عم على بابا...........اوعى تكون بتاعة على بابا؟
- لا دى قصة واحد فقرى
- اه كده لايقه عليكى قولى ما هى ليله باينه فقريه من اولها
- بص يا سيدى وما ستك الا انا
- خدى راحتك مانتى كده كده ميته بكره
- يا عم متفولش اياكش انت تسبق ......بص يا عم بيقولك مره واحد فقرى اوى كان ماشى الصبح ورايح يجيب فطار لاولاده حلو الكلام؟
- (بملل ) كملى كملى
- فهو بيعدى جسر كده وبيبقى معاه سلطانيه بيجيب فيها الفول بتاع الفطار المهم وقع من على الجسر ده فى قلب الميه....وقع فين؟
- اخلصى يا حجه بأه هو انتى بتحكى لعيل صغير؟
- ماشى يا عم العجوز.....المهم نزل تحت الميه ناس اخدوه تحت اوى كمان لقى بلد كامله ...
- (باهتمام بس مش عاوز يبين) كل ده تحت الميه؟
- اه واخدوه على الملك بتاعهم كمان اواااااااااااااااااااااااه (بتتاوب)
- كملى بسرعه بأه
- لا يا عم انا عاوزه انام
- يا بت كملى باه متزهقينيش
- ازهق
- هتخلينى اتعفرت
- على نفسك
- يا مسرور
- امرك يا باشا السلطان
- طير رقبتها
- يلا يا مسرور طير وخلصنى وابقى كمله انت الحدوته بأه
- استنى يبنى انت ما صدقت يله .......روح انت دلوقتى
- امرك يا سعادة الباشا السلطان
- طب ماشى مجتش من يوم انا ممكن اجيب اى حد يحكيهالى بس يلا هسيبك وبكره تخلصى الحدوته واطير رقبتك ....


وان شاء الله

كل ليلة هتلاقوا ليلة جديدة !!!
استنونى

[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.st-demiana.com
TENA
Admin
avatar

انثى عدد الرسائل : 318
العمر : 24
الموقع : ينابيع شبابية
محل الاقامه : حضن بابا يسوع
تاريخ التسجيل : 18/07/2008

مُساهمةموضوع: رد: ألف ليلة وليلة 2008   الإثنين يوليو 28, 2008 1:12 pm


ههههههههههههههههههههههههههههههههههههههههههههههه
ههههههههههههههههههههههههههههههههههههههههههه
مستنينك ياعسل

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://k2m4.mam9.com
كيمو
مراقب عام
avatar

ذكر عدد الرسائل : 328
العمر : 30
تاريخ التسجيل : 20/07/2008

مُساهمةموضوع: رد: ألف ليلة وليلة 2008   الإثنين يوليو 28, 2008 1:42 pm


ههههههههههههههههههههههههههههههههههههههههههههههههههههههههههههههههههههههه




ههههههههههههههههههههههههههههههههههههههههههههههههههههههههههههههههههههههه

لا حلوه مرسيي نودى

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nodi
عضو فعال
عضو فعال
avatar

انثى عدد الرسائل : 111
العمر : 26
تاريخ التسجيل : 25/07/2008

مُساهمةموضوع: رد: ألف ليلة وليلة 2008   الثلاثاء يوليو 29, 2008 5:18 am


شكرا لمروركم الجميل و متابعتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.st-demiana.com
nodi
عضو فعال
عضو فعال
avatar

انثى عدد الرسائل : 111
العمر : 26
تاريخ التسجيل : 25/07/2008

مُساهمةموضوع: رد: ألف ليلة وليلة 2008   الثلاثاء يوليو 29, 2008 5:19 am

الليله التانيه


"شوشو....شوشو ......ما تصحى بأه الله"
- هى الساعه كام؟
- تمانيه
- بذمتك حد يصحى حد الساعه تمانيه؟
.....سيبينى نايم شويه
- لا بأه مانتاش نايم .......
قوم شوف شعبك يا أخى
الناس بتموت من الجوع بره
- يا ستى ما يخفوا شويه من على دماغى
هو مش فيه ازمة اسكان؟
- اه
- اهم بيحلوها من نفسهم بدل ما نوجع دماغنا ونبنى تانى
............ وبعدين انتى لسه عايشه؟
- لا ميته يا خفيف
- يادى طولة اللسان اللى انتى فيها
- يعنى هجيبه من بره منا مراتك
- هو انا مموتكيش ليه؟...............يا مسرور
- مش هنا
- ده راح فين ده ؟
- راح يمضى وجاى
- يمضى فين؟
- اصله بيشتغل فى وزارة الزراعه
بيمضى وييجى اوام
- ومين اذنله بكده؟
- يا عم ده هو على كده بقاله عشر سنين
وانت مش بتصحى قبل 12 سيبه يلقط رزقه شويه
- الله الله وشويه الاقى ابوكى
بيسرح بمناديل ورق فى الاوتوبيسات كمان
- وبعدين ..........مش عاوزين طولة لسان احسن
والله منا مكمله الحدوتة بتاعة مرزوق والسلطانيه
- يلا مش مشكله هسيب مسرور
يلقط رزقه اكمن هو مقموص
- مقموص من ايه باه؟
- عاوز يرمى السيف اللى معاه
- امال يطير الرقاب ازاى؟
- عاوزنى اجيبله مدفع رشاش
- طب هتسمع بقيت الحدوته ولا هتنام تانى؟
- لا خلاص ............... هقوم افطر واشربلى
حجرين عالقهوه تحت واطلع نكملها

وبعد فتره..................
- وقفنا فين؟
- انا فاكر ......احكى من الاول
- نعم هو انت متجوز راديو؟ افتكر
- مش فاكر
- طب والله اما افتكرت منا حاكيه
- اه عند لما نزل للملك تحت
- اشطه عليك
- شفتى انا فاكر ازاى
- اه عقلك سابق سنك بكتير ............
المهم مراته كانت عماله تدور عليه فى الشوارع وتقول.....
- يا ترى انت فين يا مرزوق
- الله انت عارفها؟
- لا بس سمعت البق ده كتير اوى ...............
كملى كملى
- المهم نزل للملك والعساكر اللى جايبينه قالوا جاسوس يا مولاى
....... الملك باه كان عنده مشكله
- اه اكيد اتجوز واحده قارفاه
- لا يا روش ده مشكلته انه مكنش لاقى تاج يعجبه
فلما شاف السلطانيه فى ايد مرزوق
قاله هات التاج اللى معاك ده كده انت جايبهولى هديه؟
............مرزوق قاله اه يا مولاى
.......بس يا سيدى وقام الملك امر انهم يدوله
كنوز كتير وهدايا من عندهم ويوصلوه بيته
- خلصت كده؟ اما حكايه تافهه اوى يا ريتنى كنت موتك امبارح وخلصت
- لا استنى لسه
- على عمو؟ انت لقيتينى هموتك قمتى
قلتى أألف اى حاجه واهو ملك اهبل
- لا والله كلامك كله سليم بس انا مش بألف حاجه
- طب كملى اما نشوف كده
- بس يا سيدى قام مرزوق راح البيت
وقعد يحكى لمراته على كل اللى حصل
لكن كان فيه جار لمرزوق سمع الحكايه كلها
وراح جاب هدايا كتير وراح نفس المكان
ونزل الميه والعساكر طبعا شافوه ومسابوهوش وودوه للملك
..................ودوه لمين؟
- للملك
- شاطر ..........
الملك اخد منه الهدايا وكل حاجه
وقاله معلش احنا ادينا كل حاجه عندنا لمرزوق
ومش هنقدر نديلك اى حاجه تانيه
بس هنديلك اغلى حاجه عندنا............
تاج الجزيره قام جار مرزوق لما شافها قال...........
- السلطانيه
- الله انت عارفها؟
- لا البق ده بسمعه كتير برده
- يلا ربنا يوفقك..............
انا خلصت كده
- وحكايه تتحكى فى دقيقه قعدتى تحكى فيها تلات ساعات
............... يلا اتشهدى على روحك
......يا مسرور
- افندم يا سعادة الباشا السلطان
- طير رقبتها
- مش هينفع سعادتك
- ليه باه ياد انت؟
- الخزنه قفلت الساعه 12
واحنا بندفع على الراس خمسين قرش دمغه
- يووووووووووووووه طب مفكرتنيش ليه
ياد انت؟
- مانت كنت مندمج فى الحدوته
- طب غور انت وابقى فكرنى
اخليك تطير رقبة نفسك بكره
- امرك يا سعادة الباشا السلطان
- حظك انكتبلك عمر جديد
- وانت كمان انكتبلك حدوته جديده
- طب قولى
- لا بالليل باه عاوزه اروح لبابا................سلام

وفى قصر الوزير............
- شاهى حبيبة قلبى ..........
انا كنت هموت من الفرحه لما اديتينى رنه الصبح
- معلش باه يا بابا معرفتش اتصل
شهريار شال المباشر
- المهم انى اطمنت عليكى............
ايه الاخبار؟
- تمام انا وراه مش هخليه يموتنى وبس لا ........
اما خليته ينتحر
- طالعه لابوكى
- انا هروح باه عشان متأخرش
- طب خدى دول هاتيلك حاجه حلوه
- يا بابا انا كبرت باه على الحاجات دى
- خلاص هاتيهم انا غلطان
- انت ما صدقت هاتهم اشرب بيبس

وفى المساء............
- احكى باه واحده جديده بس خلصيها
عشان اعرف اموتك الصبح
- ماشى يا عم كله من ذوقك ...........
عارف الحدوته بتاعة على بابا؟
- حافظها صم
- طب عارف الحدوته بتاعة الـ....
- اه
- انا لسه قلت حاجه؟
- منا عارفهم كلهم
- طب عارف الحدوته بتاعة الحمار اللى قال لأ؟
- لأ...................... وربنا لاموتك احكى اى زفت وخلاص
- طب اسمع يا سيدى .........
- قول يا بابا ماجد قول
- ما تخرس باه خلينى اعرف اكمل
- ................................
- كان مره جحا بيشتغل حطاب وراح الغابه
جاب الخشب وراح يبيعه فى السوق
وهو راجع باه بالفلوس قابل ست عجوزه
قالتله تشترى الفرخه دى يبنى منى؟ ...........
قالها لا مش عاوز ...........
قالتله لا ساعدنى وخد الفرخه دى منى بس متدبحهاش
- خخخخخخخخخخخخخخخخخخخ
- انت بدأت تقسم ........
امال بس عاملى خط الصعيد .............
وسع كده لما اريح ساعتين انا كمان .................
وسع بأه متنحش



اية الاخبار
ألف ليلة وليلة عجباكوا ولا لأ ؟؟؟

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.st-demiana.com
nodi
عضو فعال
عضو فعال
avatar

انثى عدد الرسائل : 111
العمر : 26
تاريخ التسجيل : 25/07/2008

مُساهمةموضوع: رد: ألف ليلة وليلة 2008   الأربعاء أغسطس 13, 2008 2:25 am


الليلة الثالثة


" قومى بأه ............. انتى يا وليه "
- وليه؟ ........... ده انا لسه مربعنتش تقوم تقولى يا وليه؟
- اه مش مراتى؟ اقول اللى انا عاوزه
- طب مصحينى بدرى اوى كده ليه؟ عاوز ايه؟
- تكملى الحدوته
- والنبى مش مكسوف من نفسك ؟
- ليه يعنى؟
- طول بعرض كده وهتموت وتسمع حدوته؟
............ ما علينا روح اجرى هاتلى كابتشينو
- لا ............ ولا كابتشينو ولا زفت كملى الحدوته والا هموتك
- موتنى
- ماشى ............... يا مسرور
- (مسرور من ورا الباب ) ما تسيبها تكمل بأه يا أخى
- ماشى يا مسرور الكلب وكمان بتتصنت
.............. كملى يا شهرزاد هانم عشان خاطر مسرور
- وصلنا لحد فين؟
- انا فاكر باه منا نمت فى النص
- خلاص احكيلك حكاية السلحفه والارنب
- مليش دعوه انا عاوز دى
- خلاص نسأل مسرور
- لا خلاص افتكرت لحد ما الوليه اديتله الفرخه ...........
- ايه حكاية الولايا معاك النهارده دى؟
- استنى بس ...............
اديتله الفرخه وقالتله بالهنا والشفا على قلبك يا جحا
- يـــاعينى !!! ....... وكمان بتزود من عندك؟
........... ما تيجى تحكى بدالى احسن
- يا ستى كملى باه ابوس ايدك
- بوس
- اخلصى باه
- ماشى عشان خاطر مسرور بس .................
بس يا سيدى قالتله خد الفرخه قصاد الفلوس بس متدبحهاش.......
قالها ليه؟...........
قالتله استنى لبكره وانت تشوف المهم جحا اخد الفرخه
وتانى يوم الصبح بيبص لاقاها باضت بيضه ....
- دهب
- ايش عرفك؟ انت عارف الحدوته قبل كده؟
- لا ماهو لو باضت بيضه عاديه مكنش يبقى فيها حدوته
- لا ذكى
- وحتى لو كانت بيضه عاديه كانت هتبقى حدوته عاديه
- ممتاز دماغك حلوه
- وبعد كل الذل ده لو كانت حدوته عاديه كنت هموتك برده
بس مش بالسيف كان هيبقى رميأ بالبلغ
- خلاص باه انت هتاخد عليا ولا ايه؟ نكمل حدوته ولا اكمل نوم؟
- كملى كملى ......... يا ماما نجوى
- وانت بأه ايه؟.............بقلظ؟
انا هسميك بقلظ والله لايقه عليك ههههههههههههههههههههه
- خلاص اتشاهدى على روحك ................. يا مسرور
- امرك يا سعادة الباشا السلطان ( وهو بيضحك )
- غور من وشى بضحكتك دى ............ كملى باه
- بس يا سيدى فضل جحا على كده كل يوم ياخد البيضه يبيعها ويعيش بتمنها .............
لحد ما فى مره قال اما يدبحها كده ويشوف فيه ايه جواها
يمكن يلاقى دهب كتير جواها
- ولقى ايه باه؟
- يعنى هيكون لقى ايه؟ فرخه عاديه من جوه
- عبيط اوى
- اه طبعا ازاى يدبحها
- لا كان ياخد منها عينه وعلى اى معمل ابحاث
يشوف ال DNA بتاعها ويظبط كام فرخه زيها
- وكان هيجيب تكاليف الفيلم ده منين يا فصيح؟
- ماهى كانت هارياه بيض دهب.........
كان بياخد فلوسه بيعمل بيها ايه؟ بيحشش؟
- انا عارفه باه المهم الحدوته خلصت
- اشطات ................... يا مسرور
- امرك يا سعادة الباشا السلطان
- انزل اعمل امر توريد فى الخزنه خمسين قرش
- انا شايف انه كان ياخد الفرخه .................
- روح يا حمار انت ..................... انت هتصاحبنا؟
- طب هات الخمسين قرش
- خد من خزينة القصر
- ماهى فاضيه من ساعة المظاهره الاربعتاشر
- طب استنى كده اما اشوف معايا..........
ربع ......... تلاتين.... اربعين....... خمسه واربعين......
تعالى على جنب كده يا مسرور................... معاك شلن؟
- منين مانت راسى على البير وغطاه
- راسى ده انت سوسه .............. ياد هات شلن ياد
- يا باشا معييش كله فى وديعه فى البنك
- ياد فكها ياد......... ده انا سلطان برده
- بقول يا باشا ........... ما تسيبها الليله دى نسمع حكاية السلحفه والارنب
واهو منه على ما تجيب الشلن ومنه تبقى بجميله برده
- انت شايف كده؟
- طبعا
- خلاص غور انت
- امرك يا سعادة الباشا السلطان
- ايه مش هياخدنى يموتنى؟
- لا خلاص هسيبك الليله دى
- وقفت معاك على شلن ؟
- لا طبعا ده انا سلطان
- طب كنت قولى وانا اديهولك
- بجد؟
- انت صدقت ..................... يلا انا خارجه
.......... سى يو بالليل
- كنتى فين يا ست هانم؟
- وانت مالك
- تبقى بتخونينى علطول كده
- ولو بخونك يعنى هتعمل ايه؟
- هموتك
- فرقت يعنى؟
- لا ...................المهم قولى باه حدوتة السلحفه والارنب
- يا عم انت بتغلبنى على ما اقول اى حدوته
- لا خلاص هقعد ساكت
- ولا نفس
- ولا نفس يا معلم
- انا لسه قلت حاجه؟
- احسن اسرح ولا حاجه......
وهو الواحد عنده كام عين يعنى عشان كل مره واحده تطير
- ماشى يا عم سماح المره دى ...........
المهم كان فيه سلحفاه وارنب .......
- كان عندى سحلفه وانا صغير وماتت
- ماتت ازاى دى باه ؟ دى بتعيش كتير اوى
- ماهى صعبت عليا فى مره كان عيد ميلادى وحاطين نور فى السقف
وكنت عاوزها تشوفه .... ما علينا كملى كملى
- بس يا سيدى قام الارنب قالها انا اسرع منك وانتى بطيئه
والكلام اللى انت عارفه ده فالسلحفه قالتله فكك من الكلام ده تيجى نتسابق؟
..................ييييييييييييييييييييييه اهو اتقلب على منقاره زى كل يوم
............... اتاخر بأه وابقى افتكر هات سرير عريض شويه

انتظروا الليلة الرابعة غداً
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.st-demiana.com
TENA
Admin
avatar

انثى عدد الرسائل : 318
العمر : 24
الموقع : ينابيع شبابية
محل الاقامه : حضن بابا يسوع
تاريخ التسجيل : 18/07/2008

مُساهمةموضوع: رد: ألف ليلة وليلة 2008   الإثنين أغسطس 25, 2008 9:17 pm


هههههههههههههههههههههههههههههههههه
لا بجد حلوه قووووووووووووووى ونحن فى انتظار الليله الرابعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://k2m4.mam9.com
magy fowzy
مشرف
avatar

انثى عدد الرسائل : 136
العمر : 27
تاريخ التسجيل : 20/07/2008

مُساهمةموضوع: رد: ألف ليلة وليلة 2008   الإثنين سبتمبر 01, 2008 4:22 am

بجد حلوة خالص
ميرسى ليكى
ومنتظرين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ألف ليلة وليلة 2008
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» مواقع هندسية وخاصة بالمدني
» بحث حول الازمات المالية
» موضوع حيعجبكم كتير اغانى رومانسية للفنان مصطفى كامل
» اجمل امراة في العالم
» تشكيل وحدة التدريب والجودة 2008-2009

صلاحيات هذا المنتدى:لاتستطيع الرد على المواضيع في هذا المنتدى
صديق الملائكه :: المنتدي العام :: قسم النكت-
انتقل الى: